لاہور قلندرز کے پلئیرز نے پاک فوج کی جرأت کو سلام پیش کردیا
پاکستان سپر لیگ کی فرنچائز لاہور قلندرز کے کپتان شاہین شاہ آفریدی، فخر زمان سمیت کئی سابق کھلاڑیوں نے بھارتی جارحیت پر اپنے ردعمل کا اظہار کردیا۔
قومی کرکٹ ٹیم کے فاسٹ بولر اور لاہور قلندرز کے کپتان شاہین شاہ آفریدی نے بھارتی جارحیت کے جواب میں اپنے ویڈیو پیغام میں کہا کہ ہمیں اپنی مسلح افواج پر فخر ہے، جنہوں نے دشمن کیخلاف وطن کا دفاع کیا۔
اوپننگ بلے باز فخر زمان نے بھی پاک فوج پر فخر کا اظہار کرتے ہوئے کہا کہ ہم ایک قوم ہیں۔
اسٹار کرکٹرز کے علاوہ عبداللہ شفیق، زمان خان، سابق کرکٹر محمد حفیظ، کامران اکمل اور عمر اکمل نے بھی بھارتی جارحیت کیخلاف پاک فوج کے اقدامات کو سراہا اور دشمن کو منہ توڑ جواب دینے پر افواج پاکستان کی تعریف کی۔
واضح رہے کہ بھارت کے سابق کرکٹر گوتم گمبھیر نے پاکستان کے ساتھ ہر طرز کی کرکٹ ختم کرنے کا مطالبہ کیا ہے۔
